Brus Vilis

Се продава куќата на Брус Вилис

По десет години уредување на куќата баш по негова мерка, Брус Вилис одлучи да го продаде својот дом во Ајдахо. Дознајте колку чини овој посед! Ѕвездата на акционите филмови Брус Вилис, ја продава својата рустикално уредена куќа за $15 милиони долари. Ја купи по разводот со бившата сопруга Деми Мур. Куќата има 2 ката, 6 спални соби, 7 бањи и се наоѓа покрај езерото Flying Heart. Во близина има ски терени, патеки за пешачење и возење велосипед. За оние што сакаат да останат дома за врвно уживање ќе се погрижи огромниот базен со слапови, тобогани и вртлози. Според агентката за недвижнини Џанин Беар, Вилис ја продава куќата затоа што нема можност да поминува повеќе време во неа. Освен куќата го продава и ресторанот The Mint во близина на куќата за $5.9 милиони долари. Инаку Брус го очекува четвртото дете, прво со сопругата Ема Хеминг, со која се венча во 2009 година. Изгледа дека Bruce е подготвен за нов почеток!