Makedonski iminja na kanadski ulici

Македонски имиња на три улици во Канада

Три улици во канадскиот град Маркам ќе добијат македонски имиња. Најдоцна до средината на следната година, градоначалникот Френк Скарпати се обврзал дека три улици ќе бидат именувани како „Даме Груев“, „Пелистер“, и „Битола“.

Како што информираат од македонскиот конзулат во Торонто, потегот е во знак на благодарност за организирањето донаторската вечер за обновување на централната градска болница во Меркам што ја организирала Македонската заедница во Канада.

На хуманитарната вечер, се наведува во соопштението од Конзулатот, присуствувале голем број македонски бизнисмени, пратеници и локални советници.