Makedonec gradonacalnik vo avstraliskata opstina Vitlsi

За еден глас Македонец победи за градоначалник во Австралија

Македонецот Стеван Козмевски ја победи соперничката Гркинка и стана новиот градоначалник на општината Витлси, која опфаќа повеќе населби на Мелбурн.

Тој беше избран за оваа функција со мнозинска поддршка на членовите на Советот на општината.
Козмевски доби 5 советнички гласа наспроти советничката Крис Павлидис за која гласаа 4 советници.

По гласањето Павлидис рекла дека е збунета од тактиката која советниците ја користеле на состанокот. Козмевски, кој живее во Витлси веќе 43 години, на градоначалничката функција доаѓа после 14 години минати како советник во општината.

Мандатот на Козмевски ќе трае до 27 октомври следната година. Тој е вториот Македонец кој е градоначалник во Австралија. Првата позиција на општината Рокдаел во моментов ја држи Бил Саравиновски.