Кратовчанец го фати крстот во реката Вардар!!!

Кратовчанец го фати крстот во Вардар

Четврток, 19 Јануари 2012 12:00

Кратовчанец Даниел Дончевски е среќникот кој денес на мостот во близина на хотелот Холидеј Ин го фати светиот крст во водите на реката Вардар.

Во рацете на Дончевски светиот крст е по втор пат. По него скока петти пат, а за прв пат крстот го фатил во 2007-та година.

Точно на пладне во светите води на Вардар, по крстот што го фрли поглаварот на Македонската православна црква г.г. Стефан, скокнаа 127 верници, меѓу кои и една девојка.

Најстариот капач кој се фрли во Вардар во крстот е 70 годишниот Ѓорги, додека најмладиот капач е скопјанецот Антонио кој за прв пат се обиде да го фати крстот.

На положувањето на светиот крст во Скопје присуствуваа премиерот Никола Груевски, градоначалникот на општина Центар Владимир Тодоровиќ и директорот на Управата за безбедност и контраразузнавање Сашо Мијалков.

Среќниот Даниел од градоначалникот на општина Центар доби икона, од Град Скопје Скопје, а премиерот Груевски му подари лап-топ компјутер.