Претседателот Иванов на Плоштад им лепеше илјадарки на музичарите (ЕКСКЛУЗИВНА ФОТОГАЛЕРИЈА)

27ЈАН 201218:09

„Медал за заслуги за Македонија ќе добијат ракометарите на репрезентацијата!“, кратко и еуфорично изјави Ѓорге Иванов, претседателот на државата. Тој заедно со граѓаните го славеше историскиот успех на градскиот плоштад и притоа не жалеше да им залепи некоја илјадарка на музичарите. Фоторепортерот на К9 ја имаше ексклузивната можност да го овековечи овој настан.

Претседателот им донесе огромна среќа на ракометарите на ова првенство. Тој беше присутен во Белград кога Македонија ја победи Полска и си го отвори патот кон големиот успех. Иванов по тој меч беше ѕвезда и во фан-зоната во Белград, каде што се дружеше со навивачите што отпатуваа во српската престолнина за да ја бодрат нашата репрезентација.